Kanu

Kanu
(Lyrics)
Key: A

[Verse 1]
Ka chuah sem hlan in a ka dawtu ka nu aw
Hi lei cungah nanglawng na si
Siaremnak cu na kaltak i na ka cawm
Na tlin lo buin ka nunnak
Tlinter ai zuamtu na si
Cham khawh na si lo
Ka lumnak caah na khuasik
Ka paw a khimnak ca’h rawlṭam na tuar
Ka zawtfah caanah a thlummi na aw
Cawk kkhawh lomi si-ai ṭha bik na si
Na tuh bang thei tha ka tlai kho lo
Hmanhseh dawtnak a lianngan zia ka hngalh.

[Chorus]
Thisetram lin ruah ti bang khin
Na ka dawtnak a sunglawi ee
Na thlacamnak ka hngangamnak
Nang tel loin zaanriah ei
Caan a phak lai ka ruat ngam lo
Ka ngeih lah ee, na liam lai ni
Ka ruat ngam lo.

[Verse 2]
Fimthiamnak a ngei lomi si ko hmanh law
ka nun cawnpiaktu ṭhabik na si
A dingmi lam cungin ka pial lio caanah
Ka chambaunak ah na lungsau
Na nun caan a tawi mi chungah na lung sau ee
Fianh ding ah biafang nih a tlinh lo
A hlei in na pekmi na dawtnak
Ngaithiam awktlak lo ka si ah
Zungzal in cohlang khotu cu na si
Kai lawm ee ka philh lai lo
Na ka dawtnak a lianngan zia.

[Chorus]
Khuasik caan i ni tlang bang khin
Na ka dawtnak a sunglawi ee
Na thlacamnak ka hngangamnak
Nang tel loin zaanriah ei
Caan a phak lai ka ruat ngam lo
Ka ngeih lah ee, na liam lai ni
Ka ruat ngam lo

[Tag]
Ka hawiṭha na si
A fiang lomi nunlam ah
Lam ding hmuhsaktu na si
Kai lawm ee, ka philh lai lo
Na ka dawtnak a lianngan zia.