Porhlawt Pi Tlak

Porhlawt Pi Tlak
(Lyrics)
Key: G

[Verse 1]
Vawlei ah porhlawt pi ding
Zei thil dang hmanh ka ngei lo
Fimthiamnak le rumnak zong
Porhlawt pi tlak an si lo
Khrih vailamtah dah lo cun
Porhlawt pi ding ka ngei lo
Porhlawt pi tlak
Khrih vailamtah lawng a si.

[Chorus]
Hi vawlei nih duh lo i
Thangchiat soisel hmanhsehlaw
Kei cu ee ka porhlawt pi lai vailamtah
Zei harnak tlung hmanhsehlaw
Ka phuang lai Khrih vailam kong
Khrih vailamtah dah lo cun
Porhlawt pi ding ka ngei lo.

[Verse 2]
Jesuh vailamtah put in
Harnak lam zulh mi ka si
Nuamnak ding hrim a um lo
Hling phah lam zulhmi ka si
Vawlei hi ka ca a thi
Keizong vawlei ca ka thi
Porhlawt pi tlak
Khrih vailam lawng a si.

[Verse 3]
Khrih vailamtah biacah hi
A tlau lio mi ca hruhnak
Kan nih khamh lio mi caah
Pathian huham le thawnnak
Khrih vailamtah kong ahcun
Mihrut zong ka si ko lai
Porhlawtpi tlak
Khrih Vailamtah lawng a si.

[Verse 4]
Mifim cu khua zei ah dah
Cathiam zong khua zei ah dah
Mifim fimnak kha hrawh lai
Zeihmanh lo ka canter lai
Judah mi nih hmelchunhnak
Grik mi nih fimnak an kawl
Kan nih cu Khrih
khenhchihnak kong kan phuang.