Laimi Cu

Laimi Cu
(Lyrics)
Key: G

[Verse 1]
Semnak lungrawn khua mual le zalam le
Fing le tlang chuah takin
Ram lian ah lengmi lai hri tlai hna
Hi zai hla sung in za tial kuttlaih in
Thlaza kan campiak hna
Nan kaltak semnak nu lai tlangin.

[Chorus]
Laimi cu Pathian fa kan si
Laimi cu dinnak fa kan si
Laimi cu zumhnak tanhmi kan si
Na phak nak ram le na umnak hmun ah
Lai par dawhnak langh ter in
Pathian fa Laimi nun zia thlau hlah.

[Verse 2]
Ram dang nun cawng hlah
Ram dang zia cawng hlah
Ram dang muisam keng hlah
Laimi cu Jesuh mui cuang u sih
Lai Vakok te bang dawtnak kha thlau hlah
Na kaltak thaisung le chungkhar zong
Thinlung kil in philh hlah.

[Verse 3]
Eithaw na ei le din thaw na din ah
Lairam tikik te le, lai buti
Buhrum thu zong philh hlah
Henbek na bei le suitcase na bei ah
Lai paiper zong philh hlah
Mah hngal lo phun thlau na si sual lai.

[Verse 4]
Inn tha le lo tha tang na um lio ah
Lai inn pi kha philh hlah tumbut le
Lai sum suk te zong kha
Ih khun le ih phah tha na ih lio ah
Lai tapchap kha philh hlah
Cucu nang na chuah semnak a si.