Hringtu Ka Nu Dawtnak
(Lyrics)
Key: B
[Verse 1]
Vawlei nunharnak chungah
Kei hrinsem cawinak ding ca
Khua caan rel in ni le thla hun phanh cun
Zei ka tong lai ti hngal lo
Lungrethei thlanti put he
Nunnak dihlak pekin nganfah na tuar;
[Verse 2]
Ngakchia semmawng ka hung si
Na taangnem cungah pom in
Thladem bang huppengtu sunghno ka nu
Ka pumsa thannak ding ca
Na hnukthlum in na ka cawm
A sung khun ee hringtu ka nu dawtnak.
[Chorus]
Zeihmanh nih an iang kho lo
Hringtu ka nu dawtnak
Sui, ngun, chawva in cham khawh lo dawtnak
Khuaza cul in kawl hmanh ning
Iangtu ka hmu lai lo
Ka nu dawtnak zungzal in a thlum ee.
[Verse 3]
Na hrin semmawng rual caah
Teimak lungthin put ngeiin
Kum caan vialte nunretheih tuar nai thim
Fa le ca nunnak pek tiang
A sungbik dawtnak ngeitu
Philh um kho lo hringtu ka nu dawtnak.
[Verse 4]
Bawipa sinah mitthli he
Thlarau thinlung taksa in
Ka nun damnak ding ca thlacam piaktu
Ai thleng ballo mi dawtnak
A ziam kholo mi dawtnak
Ka ngai riangmang ka nu dawtnak te kha.
[Ending]
Ka nu dawtnak zungzal in a par ee
Ka nu dawtnak philh ni um kho lai lo.
