Cham Kho Lo Nu Dawtnak

Cham Kho Lo Nu Dawtnak
(Lyrics)
Key: E

[Verse 1]
Hringtu ka nu dawtnak vun ruah tikah
Dong ni ngei lo nifa thlum chin lengmang
Dawtnak vialte lakah a thlum bikmi
Thih tiangin cham hmanh ning law
Cham khawh si lai lo
Hringtu dawtnak a sunglawi ee.

[Verse 2]
Fa le fimthiam cawnnak caah tiin
Nilin cho sang kaiin rianhrang na tuan
Zaan ih hmanh merem kho lo tiangin ee
Fa le ca’h khua za ruat in
Mitkum cim loin
Fa le caah zaan khua dei ee.

[Chorus]
Fa le ca’h zumhawktlak
Pathian bia in a kan cawmtu
Sunghno ka nu kan ca’h na sung khun ee
Fa le nih na dawtnak kan in cham kho hrim lai lo
Pathian tu nih thluachuah za in pe hram seh.

[Verse 3]
Ka nu na cungah na fa le hna nih
Chim sualmi le palhnak kan tuah sualmi
Zeitluk tam ko hmanh seh kan ngaithiam law
Pathian sin tu ah thluachuah
Nak kan hal piak law
Thluachuah mifa kan sinak hnga.

[Verse 4]
Maw Cungnung Bik Bawipa hringtu nu le
An thaba caan le thazaang der caan ah
Na Thlarau Thianghlim in run bawm hna law
Na sin in thazaang thar le
Ruahnak tha hmuh mi
Sunghno nu le siter ko hna.