Nunnak Thingkung Ngeitu

Nunnak Thingkung Ngeitu
(Lyrics)
Key: Ab

[Verse 1]
Ka ruat than tawn Bawi Jesuh dawtnak,
Zeitlukin dah a thuk in a sang ee,
Misual mi hna nih zungzal nun
Nak an hmuh khawhnak hnga
Vawlei ah a vun tum ruangmang i
Vailam cungah a nunnak a pek
Cu dawtnak ruangah cun
Misual mi keizong nih
Nunnak, tlamtling cu ka ngei cang.

[Chorus]
Bawi Jesuh Khrih cu nunnak a si caah
Amah a zumtu le bochan mi hna cu
Nunnak thingkung ngeitu an si ti ka hngalh cang
Cucaah cun zeihmanh ka tih ti lai lo
Thihnak ralhruang chungah kal hmanh ning
Ka thinphang ti lai lo, ka kal chinchin ko lai
Nunnak thingkung ngeitu ka si.

[Verse 2]
Jesuh nih cun hiti hin a chim
“Keimah cu nunnak le lam le biatak
Ka sin ra mi poah cu nunnak tinung ka pek hna lai,”
A ti bangin kei misual zong hi
Tu ahcun bawi khrih a dawtnak ruangah
Nunnak lam lei panh in ka kal ve cang caah
Nunnak thingkung ngeitu ka si.

[Verse 3]
Nunnak thingkung Jesuh kan ngeih cang caah
Kei caah cun thihnak a um ti lo
Ka lei taksa hmanh hi thi seh ka tho than lai
Thlarau in zungzal tiang ka nun cang lai
Mupi bang vanlei ah ka zuang lai i
Nunnak thingkung he cun zungzal in kan leng ti lai.