Kan Zah Pilo Pasal Tha

Kan Zah Pilo Pasal Tha
(Lyrics)
Key: F

[Vers 1]
Ka dawt ka thinhnemtu aw
Ram le miphun dirkamh in
Ral ram ah ka kal cang lai mangtha kun aw;
Sihmanhsehlaw ka dawt aw
Ram ca ka ke ka pe cang
I mitling lo ka si cang ka dawtmi aw;

Pasal tha dawtmi kan dawtnak thinlung
Ka thul lo ee nang caah
Ram caah biakam let bal lo
Nangmah bantuk pasal tha hi ka duhmi na si.

[Chorus]
Lawmhnak hrawmti, harnak hrawmti
Dingin kan thim cang dawtnak ka thumh hlei lo
Ram pasal miphun dawtu
Ka hmai hngaltertu valta kan zahpi lo
Kan chung a chuak hringhniang hna zong
Ram dawtu fa an si hi ka hmaihngal pi tuk hna ee.

[Verse 2]
Ka dawt ka thinhnemtu aw
Ram le miphun dirkamh in
Ral ram ah ka kal cang lai mangtha kun aw;
Sihmanhsehlaw ka dawt aw
Ram ca ka kut cang
I mitling lo ka si cang ka dawtmi aw;

Ka dawt pasal tha kan tiambia bangin
Hnukir tak kan timh bal lo
Ka thinlung nunnak ah hin
Hmunsang kan pek i kan sianghram ah kan chiah mu.

[Verse 3]
Ka dawt ka thinhnemtu aw
Ram le miphun dirkamh in
Ral ram ah ka kal cang lai mangtha kun aw;
Sihmanhsehlaw ka dawt aw
Ram ca ka mit ka pe cang
I mitling lo ka si cang ka dawtmi aw;

Raltha ka dawt aw kan dawtnak sang chin
na ca’h thih tiang zumh ka tlak
Na tlingnak hrawmpi in
Pumkhat si in zungzal nithla kan rel ti lai mu.

[Verse 4]
Ka dawt ka thinhnemtu aw
Ram le miphun dirkamh in
Ral ram ah ka kal cang lai mangtha kun aw;
Sihmanhsehlaw ka dawt aw
Ram ca ka nun ka pek cang
Mui hmuh lo i tong ti loin kan um kho;

Siang lo ka dawt aw ram nih a herh cun
Lungsia ka herh hrim hlah mu
Bel lo hmapam peh zulh in
Val dang pom loin na keneh zulh kaa zuam lai.

[Bridge]
Oh.. nikhat le caankhat ah cun kan ram ah par than lai
Khi ni ahcun ram mipi nih lawmh in hla kan sa lai
Nan pekmi thisat le nunnak hi ro mipi hna caah
Lawmhnak niceu tlangtertu ah an cang than te tikah
Nan min sung cu upatnak sangbik pekin kan um lai ..aw
kan ram damnak ca sitha bik cu nan si hna hi mu
Nunnak le pum thisen petu ram pasal nusal hna aw.
(Nunnak le pum thisen petu ram nusal pasal hna aw)x3