Moses Kut Thlir Cang Seh

Moses Kut Thlir Cang Seh
(Lyrics)
Key: Db

[Verse 1]
Kan rampi mithmai cuan zawnah
Tahnak in a khat i
Bawmchantu kawl in kan vai lio ah
Rawhnak thlipi a fak chin
A tah aihram mi kan nun cu
Chantu um lo an liam than
Khoi ah hen nun man ngeihnak ram
Tiin kan ai.

[Pre-chorus]
Chungkhar an tling ti lo
Unau hlamnak mitthli
Kan chungah tuarnak lawngin ai khat
Dam ni kan phan kho lo
Ral tih in kan zam ee
Raipi nih a kan den
Hi ram ah himnak kan ngei ti lo
Kan chan hram ko.

[Chorus]
Israel mipi huhphengtu
Harnak nih an kulh hmanh ah
Lam thar hunsak i lam hmuhsaktu
Cungnung Bik kan Pa
Nihin kan rampi rawk lio ah
Thihnak ral lawng in ai khat
Kan hnu kan hmai luatnak lam um lo
Kan aunak aw kan theihpiak
Luatnak lam umnak hnga
Moses kut thlir cang seh
Kan ram ah.

[Verse 2]
na muisam keng in ser lo bang
Vawlei ral nih an kan pamh
A caan ahcun khoi hen sertu
Mawhchiatnak bia a chuak
Na khuakhan mi kan theihthiam lo
Lungthawnnak tu kan pe
Hi leiral tei khotu kan si nak hnga
Kan umpi hram.

[Pre-chorus]
Pathain cu kan au cio
Daihnak kan hmuh lei lo
Vawlei pathian hna nih an tei kho lo
A nungmi dah lo nih cun
Lianngan i Cungnung Bik
Lei harnak teikhotu
Kan ram nih nangmah khamhnak a herh
Kan chan hram ko.

[Bridge]
Hi nunnak thli hmanh hi kan caah santlai ti lo
Hi sual le raipi cu kan caah amak tuk ee
Na fa le kan aihramnak kan theihpiak hram ko.