Bawipa A Hngalh Dih

Bawipa A Hngalh Dih
(Lyrics)
Key: Eb

[Verse 1]
Kan mitthli lawngin a lang i
Bia le hla nih tlinh lo tiang fakmi
Intuarnak Bawipa nih a hngalh
Mirh buin chimmi “Ka tha ko”
Hnu lei ah a thup mi
Lungfahnak le ngeihchiatnak
Bawipa nih a hngalh dih.

[Chorus]
Kan chim kan phuan ngam lomi
Biathli hna le
Kan chuah kan langh ngam lomi
Sining vialte a hngalh dih
Bawipa a hngalh dih.

[Verse 2]
Mi dang nih theihthiam khawh lomi
Kan thinlung kan taksa damlonak vialte
Bawipa nih a hngalh
Sual chung in kan luat khawh lo zia
Dinfelnak le thianhlimnak
Kan ngeih khawh lo zia
Bawipa nih a hngalh dih.

[Bridge]
A mah he cun hmai lei kong a fiang i
A mah cun zeizong viallte a rem
A mah he cun nunnak sullam a ngei
A sin ra Jesuh sin ah ra
A sin ah teinak le luatnak a um
A sin ah nunnak le lawmhnak a um
A sin ah daihnak hnangamnak a um
A sin ra Jesuh sin ah ra
Dinhnak an pek lai Jesuh sin ah ra
Luatnak an pek lai.