Ka Nun Hna a Ngam

Ka Nun Hna a Ngam
(Lyrics)
Key: C

[Verse 1]
Rethei le har buin, Bawipa na rian kan ṭuan
Tling lo le chambau in, na sinah thla kan cam
Hmansehlaw maw Bawipa, sual rianṭuannak nih cun
Ka hnu in an ka zulh, ka kaltak hin hlah mu.

[Chorus]
Maw kan Pathian, na khamhnak thawngṭha hi
ka aw zaihla hmangin, aupi in phuan ka duh
Chungkhar ah zawtnak le, fahnak ton caan zongah
Jehovah Pathian na um caah, ka nun hna a ngam ko.

[Verse 2]
Minung lei khel in cun, ka ruah ah lung a dong
Na ram caah tiin, pumpek in rian ka ṭuan
Damnak ca thla ka cam, zawtfahnak a tam chin
Na khuakhan hi Bawipa, theihthiam a har hringhran.

[Verse 3]
Maw Bawipa kan Pathian, kan ṭhatnak ding ahcun
Khua dawm na hmang zongah, kan zam lai lo Bawipa
Kan hal lomi thluachuah, na sinah um ka hngalh
Zei thil paoh tlung hmanhseh, zamtak thiam kan si lo.