Bawipa Bochan A Tha

Bawipa Bochan A Tha
(Lyrics)
Key: G

[Verse 1]
Kan harsatnak le kan buainak Bawipa sin chim loin
Leicung i kan bochan mi kan chim tawn
A kan bawm khotu an um lo lungdonghnak men a si
A kan bawmh khotu cu Bawipa a si.

[Chorus]
Minung ṭhawnnak bochan nakin Bawipa bochan a ṭha
Minung bochan cu hmualphonak men a si
Leicung bawi hna bochan nakin Bawipa bochan a ṭha
Amah bochantu an hmualpho bal lo.

[Verse 2]
Kan Pathian cu bochan tlak le zumhtlak Pathian asi
A mah bochantu an chambau an um lo
Kan harsatnak le kan buainak Bawipa sin ah chim uh
Amah lawng hi bawm khotu Bawi a si.

[Verse 3]
Thil zeizong ah Bawipa ṭhawnnak a bochantu hna cu
Hi leicung buainak nih a tei kho lo
Bawipa cu kan ca’h himnak le dornak lungpi a si
Amah bochantu an hlawhcham bal lo.