Ka Hngahmi Ni

Ka Hngahmi Ni
(Lyrics)
Key: C

[Verse 1]
Hmailei i nang le kei kan nunnak
A rauh hlanah tinhmi lam aa khat lai
Kan rak chimmi ni le thla a phan cang;
A chambaumi ka sining cohlangtu
Lungsau in ka reikiang a vengtu
Na si nangmah ka thinlung ngeitu cu..

[Pre-Chorus]
Aww.. nang lo nun cun zai hla uai bantuk
Ka nun caan nang he hman ka herh..

[Chorus]
Ka thinlung chung i dawtnak tak
Theitu dingah thim na si
Nang he hmunkhat kan um caanah
Lilennak aa ziam
Duhdawtnak cu kan hmuh ah
Siaremnak cu na kiangah
A tling lomi ka nun lamthluan ah
Ka hngahmi ni nang he an tling..

[Verse 2]
Kan khual lam cho in harsa hmanhseh
Rilipi panh in luangmi tiva
Bang in dawtnak cu luang zungzal seh;
Ni le thla hna an hun liam cun ee
Kan biakam hna an hlun chin te lai
Khitik ah dawtnak hninghno chin seh..

[Pre-Chorus]
Aww.. Nang lo nun cu thli tel lo mei alh
Ka herhmi thli dai thiang na si..

[Bridge]
Ka tlin lonak a tlintertu si loin cohlangtu
Ka intuar hmuh ton bal rih lomi
Lawmhnak kha na ka fianh
Chiat ah siseh, ṭhat ah siseh
Chan chung biakam ka hngahmi ni sung
A tlintertu cu nang na si
Ka hngahmi nisung
A tlintertu na si..