Kan Lengtlang Ding

Kan Lengtlang Ding
(Lyrics)
Key: Bb

[Verse 1]
-NU
Sim thiamtu zo an um maw kan duhnak thu
Rel thiamtu zo an um maw kan thuanthu cu
A mawibik nang le kei thuanthu
A sungbik kan duhnak cu
Tahthin theih rual khal a si lo;

-PA
Kumkhua in hmun camcin seh kan duhdawtnak
Derdai loin fek sin seh kan rin um nak
Zatial kaiin kan lengza ding
Kan dam sung ni kan hmangtlang ding.

[Pre-chorus]
Harsatnak sumzing cun
Kan hmaiah in kham hmanhsehlaw
ka ruahsannak an hlo lo ding na um cun
Doral cu hrang hmanseh
Nang ka kiangih na um ahcun
In dawnkham theitu an um ding maw?

[Chorus]
Lungkhat tein duh mi nang thawn kan leng ding
Kan nuamtlang ding kan dam lai ni a tlak hlan tiangin
Duh dawtnak par khat cu duh mi duh mi nang thawn
Kan tlanza ding lung diriam ten zo dang ngai loin
Kan leng ding sam cem tiangin.

[Verse 2]
-NU
Ziamin va ral mai hlah seh kan duhdawtnak
Cuaiin va cul hman seh law pangpar mawi khi
Nang thawn fanau malza cawiin
Kan dam lai ni kan siar ding
Zohman in in then thei lo ding;

[Bridge]
Ka lungawinak kimter tu
Ka beidawn can ih hnemtu
ka thazang cu nang na si
(Ka cahnak nang na si)
Na ta ka si kumkhua ding
(Kumkhua ding)
Na hrang ka si kumkhua ding.