Jesuh Tello Cun
(Lyrics)
Key: Ab
[Verse 1]
Leicung kan nunchung kan hmuhmi thilri
Sui le ngun chawva vialte hna hi
Hnangampi a tlak lo, porhhlawtpi tlak si lo
A donghnak ahcun, kan ruak fimnak
Ruak kuang ah an cam dih.
[Verse 2]
Leicung kan nunchung kan ngeihmi thilri
Hni le puan ṭhaṭha vialte hna hi
Hnangampi a tlak lo porhhlawtpi tlak si lo
A donghnak ahcun kan ruak zualnak
Hnipuan ah an cang dih.
[Chorus]
Tlaihchan awk zeihmanh um lo
Lei le a chung thil vialte, zungzal kan inn cu
Thlanhmual a si, fak piin ruat tuah
Biatak in ruat cang tuah, Jesuh tello cun
Vawlei pumpi hi zeihmanh lo an si.
[Verse 3]
Leicung kan nunchung mui le samṭamhnak
Kan mui dawhnak iang vialte hna hi
Hnangampi a tlak lo, porhhlawtpi tlak si lo
A donghnak ahcun kan ruak ṭamhnak
Thilri ah an cang dih.
[Verse 4]
Leicung kan nunchung kan ngeihmi tirawl
Saṭil kan zuatmi vialte hna hi
Hnangampi a tlak lo, porhhlawtpi tlak si lo
A donghnak ahcun kan ruak hnaknak
Tirawl ah an cang dih.
[Verse 5]
Leicung kan nunchung kan umnak ruuinn
Ihkhun cabuai le ṭhutdan hna hi
Hnangampi a tlak lo, porhhlawtpi tlak si lo
A donghnak ahcun zunngeih parchiatnak
Caah an cang duh.
[Ending]
Bawipa Bawi Jesuh lawng hi Lam le Biatak
Nunnak cu a si, amah zummi lawng
Zungzal an nung lai.