Eden Thar

Eden Thar
(Lyrics)
Key: Eb

[Verse 1]
Mipa amah lawng i um cu
Bawipa nih a tha lo a ti
Hawi le bawmtu dingah
Minu pakhat cu a serpiak
Eden chungkhar thar cu an si
Nuam tein an leng ti.

[Chorus]
Cung fidi an phai tawn
Firukbu hna bangin
Ni le thla kan rel lai
Thluachuah kan rel ti lai
Khrihfa innchungkhar
A nuammi chungkhar
Eden thar kan ser lai.

[Verse 2]
Na dawtnak khuaitizuu thlum bang
Ka chan law ka reikiang pawngah
Tintling khat hrawm tiin
Sithatnak le sifahnak ah
Ngaihchiatnak le lunglawmhnak ah
Zungzal na ta ka si.

[Verse 3]
Pa Pathian nih a fonhmi cu
Aho mi hmanh nih then hlah seh
Pathian bia nih a ti
A dong kho lo Jesuh dawtnak
In i tem sih then ti loin
Zungzal kan leng ti lai.