Jesuh Dawtnak

Jesuh Dawtnak
(Lyrics)
Key: C

[Verse 1]
A liamcia caan hna kha ka vun ruah ṭhan tikah
Nun sullam hngal loin maw ka vakvai tawn
Caan ṭha vialte kha a lakin ka rak liamter
Bawipa dawtnak hngal thiam loin
Sualnak cikcin nih ṭemtuan cangmi
Thihnak kutka nih dolh dingin hngak ciami ka rak si.

[Chorus]
Jesuh dawtnak aw nemte nih
Ka fadawt ka sin ah ra law a kan ti
Na sualnak zeitluk in tam ko hmanhsehlaw
Sual ngaihchih in ka sin ra mi
Ngaihthiam khawh lo ka ngei lo a ti
Sualnak ruain misual dawtu
Dawtnak tling in a kan dawtu
Hawidawt Jesuh sinah kir cang usih
Hnangamnak le zungzal nunnak kan pek lai a ti.

[Verse 2]
Vawlei nuamhnak partlan in maw ka rak len tawn
Nun diriamnak kawl in nuamhnak ka rak hman
Cu lawmhnak hna cu ngaihchiatnak ah an cang dih
Jesuh tel lo lei nuamhnak nih lawmhnak tling tak cu
An pe kho lo Jesuh lawnglawng hi
Lawmhnak tling pe khotu cu a si.

[Verse 3]
Innchungkhar caah ṭhatnak petu si loin
Harnak le ngaihchiatnak petu ka rak si tawn
Ka nun can nih hin hawi fa mithngar ter tawn hna
Chungkhar ningzah tertu ka rak si
Ṭahnak le ngaihchiatnak phurtu ka si
U le nau nu le pa dawtnak hngal loin ka rak um tawn.

[Verse 4]
Ka Bawipa caah ṭhathnemnak zei ka ngei lo
Ka tuahsermi nih ka Bawipa mui chiatter
Hmanhseh Jesuh dawtnak ka nun nih teh hnu cun
Jesuh ṭhatnak le dawtnak nih
Keimah ca lawngah nung ti lo ding le
Midang ca zongah nung ve ding in a ka ser.