Eden Dum

Eden Dum
(Lyrics)
Key: G

[Verse 1]
Adam le Evi, Eden dum dawh ah
nuam chiar mal in an leng, a nuam ee an ti
siseh Pathian nih, a dum chung thingthei
ei hlah u timi, a bia ngai lo in
an ei ruang ah thla-rau cu a rak tlau..

[Chorus]
A tu nang le kei, khawi ah dah kan tlau
Khawiah kan i thup, na nun i chek tuah
Na zulh mi lam thluan, Khrih lam an si maw?
Khawiah dah na tlau, khawiah tu na um?

[Verse 2]
Zaanlei ni nem ah, Bawipa Pathian cu
Eden dum dawh chung ah, a chawh ṭhan tik ah
maw Adam khawi ah, dah na um a ti
Pathian bia hlawt in seh, tan bia a ngeih ca
Pathian hmai ah thla-rau cu a rak tlau..

[Verse 3]
Adam le Evi, bang mi tampi cu
sual nak za lam pan in, Khrih lam kan tlau cang
duh fah hak kauhnak, chawva ah kan tlau
sual nak thingthei ei in, Khrih lam kan pial cang
Pathian lung a kuai, khawiah tu na um..

[Verse 4]
Jesuh hnuzul tu, Judah Isakariat
dawtnak mit hmai he maw Jesuh cu a hnamh
cu bang nang le kei, kan si ve sual maw?
a rian kan ṭuan ko, siseh kan lung put?
Pathian thinlung ah, a tlau ve sual maw?