Sifah Um Ti Lonak Ram Ah
(Lyrics)
Key: E
[Verse 1]
Hi vawlei cung kan umnak hi
Zungzal kan umnak ding a si lo!
Chikhat caankhat te khualtawnnak ram a si
Zungzal umnak dingmi ram cu
Pathian nih a timh cio cang i
Cu hmun phak khawh ve ding in
Timh cia le ralring tein na um maw?
[Chorus]
Ṭahnak le ngeichiatnak
Zawtfak nak le thih lonak um ti lai lo
Cu hmun ah lawmhnak a tling
Ningzaknak le sualnak vialte an lo dih lai
Khamh ciomi kan hawidawt hna he
Sifah um ti lomi ram nuam ah
Nuam le lawm tein
Zungzal kan leng ṭi hna lai.
[Verse 2]
Thihnak ruangah dawtmi hna nih
Ṭhen nih kan kaltak hna hmanh seh
Thih tian hi a dongnak a si hrim lai lo
Cung van nuam sui khuapi dawh ah
Zungzal in kan leng ṭi lai
Kan mitthli vialte hna hi kan Bawi Jesuh
Kan hmuh cun kan hlul dih te lai.
[Verse 3]
Mi zeihmanh nih hrial khawh lomi
Thihnak leiba kan ngeihmi hi
Jesuh nih vailam cungah a kan champiak cang
Cu caah kan tongmi thihnak hi
A mah zumhmi fa le caah
Zungzaal kan nunnak ding ca
A kan chiahpiakmi thihnak horkuang a si.
