Nikhat Hnu Nikhat
(Lyrics)
Key: C
[Verse 1]
Ramlak Lily Pangpar dawh te khi zohmanh
Duh a nung i rim a hmui ee
Sihmanhsehlaw nikhat hnu nikhat in
A ziam i a uai thluahmah cang
A rimhmuinak zong a reh thluahmah cang
Duh a nung kho ti lo;
[Verse 2]
Khua caan nih tlaihawk ṭha loin an liam tung i
A tu cu Lily Par dawh cu
A til i a ziam ve cang khi zoh hmanh
Maw hawidawt khi Lily Pangpar ah khin
Nunnak va cawng ve law na lung a fim ve ko lai.
[Chorus]
Na duh nunnak le na rimhmuinak khi
Nikhat hnu nikhat zorchuk lei a panh
I derthawm in na um cang lai
Ai dawhtuk mi pum, ai dawhtuk mi sam
Vawlei nih a ei i a tlol te lai
Phorhlawt le ruamkai pitlak hrim a si lo.
[Verse 3]
Kungsang cung i a par mi senri pangpar dawh
Cungcuang hlei in a par nain
Nikhat hnu nikhat in a uai thluahmah
A til i vawlei ah a ciam
Nihin cu mi vialte cung ah cuang in
Minthang zong na si kho;
[Verse 4]
Mirum mi lianngan le uktu zong na si kho
Sihmanhseh ni khatkhat ah cun
Par bang na til ve te lai khi philh hlah
Vawlei ah na ciam te ding khi philh hlah
A ho mi hmanh vawlei ah kan cang dih te ko lai.
[Verse 5]
Mi thleidan a thiam lomi thihnak mitcaw nih
Nang zong kha an tlaih ve te lai
I thlanmui kutka ah cun an luhpi
Te lai i an khumh ve te lai
Zawt le fahnak phunkip hna kha hmang le
Sermi thil phun zakip
[Verse 6]
Mawtaw le tlanglawng le tilawng le vanlawng le
Kan eidin mi ti le rawl hmanh
Thihnak khuamui chungah hruaitu an si
Ti zong kha philh hrimhrim hlah mu unau
Cu ca’h phorhlawt le ruamkai in va um hrimhirm hlah.
