Ruak Thlahhnu Khin

Ruak Thlah Hnu Khin
(Lyrics)
Key: F

[Verse 1]
An chim thihnak tiva ral ram i suikhua Jerusalem
Tah le ngaihchiat mitthli tlaknak um ti lonak sui khuapi
Dawtmi hna ruak zuun muai tah zai vorh um ti lo
Dawtmi hna he then in mangtha kun law tin um lonak ram nuam.

[Verse 2]
Leiah dawtnak biathlum bia-al ti bangin a hal mi le
Dawtnak mithmai duhnung mui a ting co bal lomi hna zong
Khi ram ah khuaitizuu nakin a thlum deuh mi
Jesuh aw thlum te le mithmai panh nih nun diriam ter cang lai.

[Chorus]
Cu khuapi dawh bik cu, ka zungzal umnak a si
Ka Bawi cungnung i remhpiak mi
Nikhat hnu nikhat, thlakhat hnu thlakhat in
Ka naih chin lengmang, ka hmanung bik mangtha kun law
Tiin ruak thlah hnu khin ka phan te lai.

[Verse 3]
Hi lei ram ah hnifenh le puan vurh kongah mi zoh hawi hngar
Te in nun caan a rak hmang tawn mi vialte khi ram ah cun
Thuam pakhat i hruk in thleidannak um ti lo
Kan pa run inn tawi ah chungkhar pakhat in kan leng ti cang lai.

[Verse 4]
Khi ram ah cun zawt le fahnak tuar ruangah hrum le ainak
Siizung siiikhan fuh le panh in lungrethei um ti lai lo
Zawtfahnak an tlau i thihnak zong a thi cang
Nun caan ri khiah um lo zungzal nun khi kan nun a si cang lai.