Zumtu Tuarnak

Zumtu Tuarnak
(Lyrics)
Key: F

[Verse 1]
Zumtui nun ih pumpelh theih lo harsatnak
Dung in tolh tertu si hram hlah seh
Bawipai’ lungkimnak um loin kan par ah
harsatnak a thleng dah lo;

Kan parih thlengmi harsatnak phunkim hi
Bawipai’ remruah ciami an si thluh
Bawipa in thil a ti sual ve dah lo
Amah kan naih sinak dingah a si.

[Chorus]
Meilipi sung in Hepru tlangval pawl a run him
Kiosa puk sungin Daniel hnenah mangbangza a thleng
Thawnginnpi sungin mi uktu ah a suak sal Joseph
Harsatnak thimzing pawl hi
Kan Pathian ih thil ti theinak langtertu an si.

[Verse 2]
Harsatnak ih a remthatmi zumtu cu
An nunah Jesui hmel a cuang ee
Hmailam ih hmuitinmi an pan an cak sin
Jesui’ keneh an thlun ih;

Caan tawite sungih kan tuarmi harnak in
Sunlawinak kumkhua’n in pe leh ding
Kan tonmi ziangkim lungawithu simthiam in
In zirh duhmi thil theihthiam kan tul.