Zumtu Puitling

Zumtu Puitling
(Lyrics)
Key: A

[Verse 1]
Kan Pathian a dawtmi hna le
Amah nih a tinhmi ningin
A kawh i a auhmi hna cu
Zei thil an ton mi ah an ca’h
a tha lei lawngte an si
Cucu kan pemh thiam lo ahcun
Kan tonmi thil zeizong kip ah
Lawmhbia chim loin
Vui le vai lawng kan rial sual ko hnga.

[Chorus]
Thlichia le tilet na ton lio ah
Na Pathian Jesuh khrih cu
Na thangthat kho maw
Zumtu puitling kan timi hna cu
Lawmh le ngaihchiat caan kipah
Bawipa an thangthat.

[Verse 2]
Thinghmui Naman kong kha ruat hmanh
Thinghmui hma nih a tlunh ruangah
A fuh i a panh bal lomi Pathian nih Elisah a fuh
Amah fuh kan thiamnak hnga
A caancaan ahcun zawt le fah
Tuar le innak zong kha hmangin
A kan auh theu ve ton
Vui le vai ngam ding kan si hnga lo.

[Verse 3]
Peter cu Jerusalem ar-
Hli aw dawh te’n a auh bang
Mithiang Paul cu mitcawtnak in
Kan Pathian nih cun a auh ve
Aw nemte aw thlumte
Kawh le auh cu a thiam bangin
A caancaan ahcun harnak le
Tuar le innak hmangin
Kan Pathian nih a kan auh theu ton.

[Verse 4]
Jacob le a fadawt rual hna
Joseph sin an phak khawhnak hnga
An ram ah mangtam a tlunter
Tu zongah kan Pathian a si
Sifah, harsatnak hna le
Rawltam tihal nak zong hi
Amah hmai kan kawlnak ding ca’h
Ah kan ton theu ve ton
Cuca’h vuivai sual hi a fawi ee.