Zohchun Awktlak Mino

Zohchun Awktlak Mino
(Lyrics)
Key: G

[Verse 1]
Thinghluai min kung i senri pangpar bang
Duh aa nungtuk mi seino kan si
Thingkung dawh tertu senri par bang
Kan ram le kan miphun tamhtu kan si
Ram pi duh a nuntertu kan si
Bawi Khrih le Khrihfabu caah khuaitizu kan si.

[Chorus]
Seino na si ruangah
A ho hmanh nih in zumhtaih hlah seh
Na biachim, holh rel le
Na thut na dirnak zongah siseh
Na hni fenh le puan aih kongah siseh
Midang zohchun awktlak va si law
Nangmah nun ah
Khrih mui duhnung mi nih hmu hna seh.

[Verse 2]
Shadrach le Meshach, Abednego
Daniel hna bangin Bawipa caah
Bochantlak le zumhawktlak si law
Khua zei le ram nuam na kalnak poah ah
A mah mit nih cun an ven lai i
Harnak phunkip chungin Bawipa nih an khamh ko lai.

[Verse 3]
Joseph bang tuk in dawtu u le nau
Zuar in hlonh cia mi na si zongah
Bawipa caah zumhtlak in nung law
Na Pathian nih cun an philh bal lai lo
A ni le caan a tlin tikah
Unau miphun pi a cawmtu thluachuah an pek lai.

[Verse 4]
Elisha le Joshua bangin huraitu
Le uktu tangdor tein nung law
Hruaitu le uktu nih an comi
An thluachuah a let hninh cu na co lai
Nihin ah tang chiah mi sihmanhlaw
Thaizing ah mi vialte cungah hlorh in na um lai.