Zeitin Dah Ram A Dam Khawh Lai

Zeitin Dah Ram A Dam Khawh Lai
(Lyrics)
Key: Db

[Chorus]
Bawipa hmai kawl hmasa in
A hmai ah toidornak he kan lungthum usih law
Kan ram le kan miphun hi
Kan sualpalhnak cu ngaithiam in a damter than lai.

[Verse 1]
Pathian a tih miphun le ram cu an dam i
An te chin fapar tiang in thluachuahnak an hmuh
Bawipa tihnak lungput le dinfelnak ngei lo
Ram le miphun tuanbia hna cu an rawk zungzal tawn.

[Verse 2]
Ram chung ah dinfelnak kha mi nih an hlawt i
That lonak le sualnak in ram kha an uk ca’h
Bawipa nih a kan pekmi ram a rawk dih cang
Kan ram le kan miphun tuanbia a dam kho ti lo.

[Verse 3]
Miphun a liannganter cu dinnak a si
Bawipa a tihmi hna nunnak ah a lang tawn
Kan ram le kan miphun ah dinfelnak tiva
Fing le tlang kipah luang sehlaw kan ram a dam ko lai.