Zawltu Lasi

Zawltu Lasi
(Lyrics)
Key: A

[Verse 1]
Kan lennak lenthing zatlang lam rawnah
Aan dawh nunnem tangah laikhum ka zal
Tihal le laitam hrial loin merem thiam lo’n
Riaklang va bang riahrun vai in.

[Chorus]
Nang khundim in sempawk na cawi maw
Dar dawh kheirem velhlei thiamte
Zawltu Lasi iang nei hlei ce
Liam ko law valdang tangah
Liam ko law valdang runah.

[Verse 2]
Kan lennak zatlang lam rawnah maw
Lileng in ee cincawi cungah ka zal
Kan sulhnu thingah naubang tap in kei rung vai lang
Tlangkip cuan in maw biakbaiva bang.

[Verse 3]
Kan len theunak kan sulhnu zuunthing cuanin
Par bang a ziam an ti kei ka ruat ngam lo
Kei lungkuai in tluangdang tlangdang ah van vate bang
Zuang in duhmi na hnenah rung vai ko lang.