Vuivai Loin

Vuivai Loin
(Lyrics)
Key: F#

[Verse 1]
Kan Pathian kan a khuakhan hi, minung lein theihthiam a har
Kan pemh i kan hmuh khawh lo ca’h, caan tampi kan vuivai tawn
Thluachuahnak kan hal caan zongah, sungh zatlaknak a kan ton ter
Aw a har ee zumtu nun lamtluan hi.

[Chorus]
Siseh law nan ca’h ka tinhmi, cu keimah lawng nih ka hngalh
Cucu nan caah vanchiatnak a si lo, A kan ti caah kan tonmi
Thil zeizong ah vuivai loin, a khuakhanmi hngahzia thiam ko usih.

[Verse 2]
Samson i a ṭhawnnak hmual kha, langhter in cawisan a duh ca’h
Sahrang chiandeih thlahtu zong kha, kan biakmi Pathian a si
A thlarau thilpek hman ding le, min thianter a kan duh caah
Dohtu rallian a kan thlahpiak ve tawn.

[Verse 3]
Harsatnak ramcar pinlei ah, kamhmi ram Canaan cu an phan
Zumtu kan nun lamtluan zong hi, ramcar ah a kan hruai tawn
Khi hmun ah Mana a kan pek, amah ah a dih ti um lo
Tumcop Thian a si zia a langhter.

[Verse 4]
Minung lei khel in harsatnak, zawt le fah le sungh zatlaknak
A mifel Job bang kan ton cun, maw zumtu vuivai loin
Thaizing khua dei lai khi hngak law, harnak pinlei ral thluachuah khi
Thlacam buin hngah zia thiam ko usih.