Velhle Thiamlo Pathian Dawtnak
Velhle Thiamlo Pathian Dawtnak
(Lyrics)
Key: B
[Verse 1]
Hringtu sunghno a nu hmanh nih
A chungchuak fa dawt a philh theu tawn
Sihmanhsehlaw ka Pathian nih
Cun kei hi a ka philh kho hrim lo;
Lei ah dawtu kan timi zong
Daw zungzal khotu an um hrim lo
Dawtu ruangah mitthli tlak in
Dawtmi ruangah ṭahcaan a tam
Leiah a tak dawtnak a um lo.
[Pre-Chorus]
Vel hlei thiam lo kan Pathian i a dawtnak
Papavuan si lo thinlung chung
A nunnak a pek tiangin a kan dawtu
Le hngakar tentu
Zumh kan tlak lo lio caan zongah
Zumh a tlak pengmi Bawipa
Jesuh lawng misual ca hawi tha a si.
[Chorus]
Dawtu lianngan ka Bawi Jesuh
Misual tuanvo a kan latu
Ka thlarau le ka taksa ca’h
Tuanvo latu ka Bawi nunnem.
[Verse 2]
Vawlei nih cu si khawh lio le
Ngeih lio lawngah fuhtu an tam i
Sihmanhsehlaw har le sa in
Kan um ahcun a kan zamtak dih;
Sihmanhsehlaw ka Bawi Jesuh
Cu zungzal a kan zamtak bal lo
Kan harsatnak ah a kan hrawmpi
Kan tuarin ah a kan hrawmpi
I kan pawng tikah a kan umpi.
[Pre-Chorus]
Lei ahcun sifah le ngakṭah le nuhmei i
Santlai lo cu lamhchih kan si
Sihmanhsehlaw ka Bawi Jesuh Khrih
Cu takchia bik mi kha
Cung sangah a kan hlorh i
Zei rel lomi zong kha
Man ngeiin a kan chimtu Bawi a si.
[Verse 3]
Dawtu thabik in kan ruahmi
Kan nupi le pasal hna hmanh hi
Zumh an tlak lo rinh an tlak lo
Bochan taktak an si hna lo
Thinlung khuaitu mitthli luanter
Tu ah an cang than tawn ko hna hi mu
Dawtnak taktak ngei an um lo
Dawtnak fek ngeimi an um lo
Jesuh lawng hi dawtu tha a si.
[Pre-Chorus]
Lunglawmhnak puan sunglawi
Na tuah caan ah le
Teinak Aalan na thlai caan ah
Khin leimi nih cun an i fuh lai i
Dawtu cu an lo lai
Sihmanhsehlaw Jesuh cu
Sungzatlak na ton lio le
Na mitthli tlak caan ah fuhtu a si.
[Bridge]
Kan chuah le semkaa in
Nihin ni tiang le zeizong kip
Ah tuanvo a kan latu Bawi
Kan zawtfah caan ah damnak
Kan mitthli tlak caan ah hnemtu
Kan tuukhal tha bik cu Jesuh a si.