Van Bawipa Fapa Chuahni

Van Bawipa Fapa Chuah Ni
(Lyrics)
Key: Eb

[Verse 1]
A sung hlei khun December thla sung
Khamhtu chuah thla duhnung bik thla
Kan phan than cang fingkip cuan ah hin
Lung a leng ee;
Nikum Christmas kan hman ti mi hna
Hawi dawt cheukhat
Tukum Christmas nisung lawi ah cun
An mui kan hmu ti hna lo ee
Mit a vai i lawmhnak a tling kho hrimhrim lo ee.

[Chorus]
Aww. kan hngah hlang
Van Bawi Fapa chuahni sung bik
Thinlung le ruahnak le sining a dihlak in
Bethlehem par cu conglawmh usih
Ngaihchia puanlu hung cang usih
Dawtmi zuunngeihnak mitthli hul dih cang seh.

[Verse 2]
Cunglei arfi zoh in an kal i
Jesuh an biak mifim pathum
Kan nih zong nih harnak zoh loin
Van lei zoh in;
Thlarau arfi cu zumhnak in zulh cio hna usih
Kan thlarau nunnak in kan ton lai
Cawrawl kuang chungah an thlim mi
Messiah Jesuh cu kan ton ve lai lunglawm tein.

[Verse 3]
Kan sunhsak mi thlasung a si bang
Hi vawlei cung i miphun kip nih an dawn i
Nuamhnak phunkip he an hmang ti cio
Inn le lo kip le zalam thluankip cu an tamh cio
Siseh kan nih cu lenglei dawhnak
Lawnglawng a tamh mi si loin
Chungnun tamh in khamhtu Messiah
Ca’h hmun kan rem cio.