Tling Lo Thangthatnak

Tling Lo Thangthatnak
(Lyrics)
Key: Db

[Verse 1]
Nunnak hrampi thihnak parih thuneitu
Van boruak mawi le tipi luangsuaktertu;
Ramsa phunkim aw mawite’n ausuahtertu
Na sinah theifaing theitu um hlah hai ee.

[Chorus]
Thangthat a phutluk in kan thangthat thei lo
Biaktlak mi a si tlukin kan biak thei lo
Sihmanhseh in ngaithiam ih kan zawn in ruattu Bawi
Thiamtawkin a hmin sunglawi thangthat sin ding.

[Verse 2]
Vancung mi in cawl loin an thangthat mi
Lei rundamtu ding zaihla thawn an thlah ee;
Van Pathian sangbik ih sin lei niambikah
Niambik dinhmun na co hman thangthat a tlak.

[Verse 3]
Kan lo thangthat kan timi ziangbang ding maw?
Na lungtawng dingih lo biak kan thiam pei maw;
Kan awnmawi, zaihla na hrang santlak ngai maw?
In sim aw, in zirh hram aw lo thangthat dan.