Thlacam I Bawm Cio Usih

Thlacam I Bawm Cio Usih
(Lyrics)
Key: Eb

[Verse 1]
Lei thlichia le tilet karlak ah Khrih thawngin
A fialrian sung thawngṭha he nan sin kan phan ee
Pathian biathli kengtu sal kan si cu nan hngalh
Thisen cawkcia a bau thlarau kawl ah kan ra.

[Chorus]
Ngaihchia in bei donghmi, hna ca ruahchannak le
Lawmhnak tling Khrih thawngṭha, ruangah kan i tong hna
Kan vorh thawngtha thlaici luatnak daihnak phorhtu
Sihram seh ti hi kan thlacamnak bik a si.

[Verse 2]
Nan lungrawn khua ah Khrih thawngṭha kan phuan chungah
Taksa hrin kan si ca, chambau le tlamtlin lonak
Tam ko hmanhseh Jesuh min in, kan ngaithiam uh
Pathian tu nih thluachuah letza in cham hna seh.

[Verse 3]
Kan Pathian vel thawngin, nunnak chang i cheu in
Ni len zan var hmanh ah vuai in kan cim lai lo
Thlarau rawl kan i hrawm vanram nun cu hluan ee
Siseh lei ram si ca ṭhennak can a phan ṭhan.

[Verse 4]
Thawngṭha ruang kan i tong, thawngṭha ruang kan i ṭhen
Khrih min sunpar chin seh kan sinak kip ah hin
Pathian pennak kawl in lei kil li cul dingah
Thlacam i bawm cio usih Dinhmun kan phak hlan tiang.