Thih Tiang Zumhtlak

Thih Tiang Zumhtlak
(Lyrics)
Key: A

[Verse 1]
Calvary tlangah ka Bawi nunnem vailam
Chawngtu ah Sairin khuami Simon
An putter lio kha thlarau mit in ka cuan
Mi vantha sairin khuami Simon.

[Chorus]
Mi vantha ka si Halleujah ka Bawi
Vailam cu ka nun ah khin ka si
Har hmanhseh ka Bawipa pekmi rian a si
Cucaah thih tiang ka kalpi lai.

[Verse 2]
Tuk le velh buin ka Bawi putmi vailam
Rawltam le tihal buin putmi
Nihin ah thangchiat le soiselnak hmual hi
Tuar hmanh ning chimreltlak a si lo.

[Verse 3]
Maw ka Pa hi hrai hin ka luatter a ti
Sihmanhseh na duh bang si ko seh
Vailam put nun cu mah duhning si ti lo
Pa i duhnak lam zulh nun a si.

[Verse 4]
Rethei in har hmanhseh van kainn dawh bik
Ka phak tik ahcun ka Bawipa nih
Ka caah lawmhman suiluchin cu a chiah
Khi ni ah lawmhnak tling ka hmuh lai.