Teitu Kan Si Lai

Teitu Kan Si Lai
(Lyrics)
Key: Bb

[Verse 1]
Nitin kan lennak leicung hi
Satan penmi ram a si ruangah
Kan nunnak taksa nih
A tuar khawh lo tiangin
Tukforhnak kan in theo tawn.

[Verse 2]
Ngaihchiatnak le tah aihramnak
Lungretheih vansannak phunkip le
A caancaan ah cun
Takpum dam lonak in
Satan nih a kan lem theo tawn.

[Chorus]
Siseh kan nih Khrihfa mi cu
A donghnak tiangin kan der bal lo
Kan pawngkam ah thlichia le tilet cu
Hrang hmanhsehlaw
A kan tei lo Pathian fa kan si
A kan khamhtu
Bawi Khrih thawnnak thawngin
A donghnak ah cun teitu kan si lai.

[Verse 3]
Taksa in nungmi kan si ca’h
Voi tampi cu kan tlu theo tawn
Kan ral Satan nih
Thir cikcin in a kan hruai
Sualnak thongah kan tla tawn.

[Verse 4]
Leicung ngeih le chiah, chaw le va
Takpumsa nuamhnak phunkip hna le
A caancaan ah cun
Kan dawt bik sin hmanh in
Satan nih a kan len theo tawn.