Teitu Ka Si Ter

Teitu Ka Si Ter
(Lyrics)
Key: Eb

[Verse 1]
Bawipa, midang caah a thahnem mi
Ka si khawhnak hnga kan hal
Sihmanhsehlaw midang nih
Bawmh an ka hal caan ah
Ka thlacam philh in ka vuivai tawn.

[Verse 2]
Bawipa, ai tangdor i mi ngaithiam mi
Ka si khawhnak hnga kan hal
Sihmansehlaw midang nih
Zei re lo ka ton caan ah
Ka thlacam philh in ka lungfak tawn.

[Chorus]
Minung sinak in a khatmi
Ka si na hngalh Bawipa
Keimah zuamnak in thiltha ka tuah kho lo
Bawipa ka zaangfah rih law
Ka cung na lungdong hlah
Ka minung sinak teitu ka si ter ko.

[Verse 3]
Bawipa, a lungsau i thinfual mi
Ka si khawhnak hnga kan hal
Sihmanhsehlaw an duh in
Bia an rak chim caan ah
Ka thlacam philh in ka leh tawn hna.

[Verse 4]
Bawipa, zumhnak thawng i an bochan mi
Ka si khawhnak hnga kan hal
Sihmanhsehlaw ka cung i
Hneksaknak a rat tikah
Ka thlacam philh in kan mawhchiat tawn.