Pathian Ih Duhdawtnak

Pathian Ih Duhdawtnak
(Lyrics)
Key: G

[Verse 1]
Maw ka nunnak Bawipa cu thangṭhat aw
Ka sungih ummi hmuahhmuah in
A hmin thianghlim cu thangṭhat uh
Maw ka nunnak Bawipa cu thangṭhat awla
A ṭhatnak hmuahhmuah cu hngilh hlah aw
Amah in ka sualnak zatein I ngaithiam
Ka natnak hmuahhmuah in I damter zo..

[Chorus]
Bawipa cu zangfahnak le, lainatnak neimi a si
A thin a sau ih a hmunmi duhdawtnak in a khat
Mi a kawk ringring lo ding, kumkhua in a thinheng lo
Amah a ṭihzahtu hrang ahcun
A Duhdawtnak cu a sangzet mi duhdawtnak a si..

[Verse 2]
Ka nunnak cu thilṭha in I khah ter ih
Muvanlai bangin cak le no in I umter nitin in
Bawipa cun namthlak mi pawl cu a ṭan ih
An co ding mawi a coter hai
A tumtahmi cu Moses hnenah a simih
A huham cu Israel hnenah a langter zo..

[Verse 3]
Nisuaknak cu nitlaknak ihsi a hlat bang
Kan sualnak pawl cu hlatzet ah kan hnen ihsin a ret ih
Kan tuar ding zatin In tuarter siang lo ih
Kan sualnak vekin in kuan ter lo
A thukam vekin a thlun ringring tu pawl cu
A ṭhatnak cu sankhat hnu sankhat a hmun camcin..