Nupi Tha

Nupi Tha
(Lyrics)
Key: G

[Verse 1]
Iang hi hlen a hmang, dawh hi a ziam kho
Bawipa a tih nu Nupi tha cu
A va caah bawi luchin dawh te a si
Va bawmtu ding le, hawikom caah sermi
Nu man ngei kan si, thektu si loin
Satu si ding rian kan ngei.

[Chorus]
Nufim nih an inn kha an sak sihmanhsehlaw
Nuhrut nih anmah kut lila in, an thek dih hna
Thektu si lo sautu si dingmi kan si
Rualzapum tu ding nupi kan si
Nufim bang inn sa hna usih.

[Verse 2]
Nupi hna Bawipa, tang nan dor bangin
Nan va le tangah i dor u tin
Cathiang nih a ti, kan zulh dingmi a si
Thluachuah mi nupi, nupi tha si dingin
Zuam cio hna usih, zai le tlawhciar hi
Chungkhar thektu thil an si.

[Verse 3]
Lenglei i tamhnak, samphir ning hna le
Kan thi le kan thilpuan hna ah hin
Kan i dawhnak cu a um ding a si lo
Chunglei i dawhnak, a ziam kho lomi
Daihnak nemnak lungthin, Pathian mithmuh ah
A sunglawi mi thil an si.