Nun Tlamtlin Tertu

Nun Tlamtlin Tertu
(Lyrics)
Key: Ab

[Verse 1]
Leicung kan nunnak ah tlamtling ti um kho lo
Duhfah hakkauhnak tuin kan khat chin
Kan herhmi tu ruah loin kan duhmi tu kan tuah tawn ca
Kan nunah lawmhnak tak le diriamhnak a um kho lo
Vansannak le nun lungdonghnak tuin kan khat tawn caah
Nun sullam ngeitertu Jesuh sawm usih.

[Chorus]
A dawtmi fa le hna cu, kan duh ning in hruai loin
Kan herh ningin a kan hruaitu Bawi si ca’h
Mualpho ding dirhmun in, tlamtlign mi dirhmun ah
A kan cawisangtu le bawmchantu Bawi a si ca’h
Kan herh hngaltu le thiltha khan piaktu
Mualpho dingin a kan siang lotu
Dawtnak mitin a kan zoh i kan nunnak ah
A sunparnak kha a langhter tawn.

[Verse 2]
Canan khua ah Jesuh le a zultu hna kha
Nupi thitumnak puai ah a sawm hna
Mitsur zu kha a dih tikah lungretheih in an um i
Ti kha mitsur zu thawbik ah a canter bangin
Lungretheih in ummi vialte hna Jesuh kha sawm usih
Amah lawng hi hnangamtertu Bawi a si.

[Verse 3]
Jesuh pekmi mitsur zu kha an venteh tikah
A thawbik le a thlumbik ah a cang
Hmanhseh mitsur zu chuaknak kha
Sawmmi hna nih an hngalh kho lo
Jesuh nih fialmi sinum hna lawng nih an hngalh khawh i
Jesuh sin thlacam mi le amah aumi hna lawng nih
Nun tlamtling mi le thluachuah ratnak kha an hngalh.