Neih Lo Theih Lo

Neih Lo Theih Lo
(Lyrics)
Key: F#

[Verse 1]
Ka duhdawt mi unau
Sual thawng sung ih tangmi
An din hmun ka ruah ah
Ka hna a ngam thei lo
An hrangah cun Kross thu
Cu at-thlak a si si
An coding ka ruah in
Daithen ka um thei lo.

[Chorus]
Neih lo theih lo Jesuh
An neih hlan ah hi cun
Thihnak mitcaw kutdai
Bawipa inkham sakhaw
Maw nang Zion fanu
Zanvar tein tap aw
Na mitthli hul hlah seh
Tiva bangin luangseh
An nun theinak dingah.

[Verse 2]
Unau duhtawk thlanglaw
Leh hnu ti nawn hlah law
Hring nun a tawi zia hi
Tha te’n ruat thiam hram law
Thihnak thawi kan lak cu
Karkhat te vek a si
Na si-dan vek tein
Tu ah rak kir thlang aw.

[Verse 3]
Zohmanih thei ban lo
Kan Pathian thuthup cu
Ziang tikah a ra ding
Ziang tikah kan thi ding
Kan theih ding a siang lo
Ralring cia uh a ti
Jesuh na neih hi cun
Ralring mancia na si.