Nawncek Chungin Hla Thar

Nawncek Chungin Hla Thar (Sam 40:1-3)
(Lyrics)
Key: Db

[Verse 1]
Harnak chugnah mitthli he
Lungsau in kan hngah peng
Kan aunak aw cu na theih
Keimah leiah na mer i
Tihnung mikhor thuk chungin
ka nunnak na chuahter
Dam chung le thih hnu zongah
Kan thangthat ko lai Bawipa.

[Chorus]
A thukmi nawncek chungin chuahtu Bawipa
Him tein lungpi cungah na ka thutter
Nangmah thangthatnak hla thar cu
Ka kaa ah na chiah cang i
Nawncek chungin hla thar cu na ka sak ter.

[Verse 2]
Nawlbuar in sualnak chungah
Mithi ka si lio ah
Khuaruahhar na vel thawngin
Nunnak thar cu na ka pe
Sual ruangah hma in tuarmi
Ka si lio caan zongah
Jesuh Khrih tuknak hma in
Ka zawtnak na ka damter.

[Verse 3]
A lianngan mi dawtnak cu
Ka sinah na langhter
Misual ka si lio caan ah
Khrih cu ka caah na thihter
Khrih he na ka thawhter i
Van ah na kan thutter
Na vel thawngin khamh ka si
Hallelujah Hallelujah.

[Verse 4]
Nawlbia cawnpiaktu hna le
Biaknak hruaitu zong nih
Sualnak khor thukpi chungin
A kan luatter kho lo ee
Thatnak le felnak zong nih
A kan luatter hlei lo
Sualnak khor nawncek chungin
Luattertu Jesuh na si.