Lungpi Cung Dirhmi Khrihfabu

Lungpi Cung Dirhmi Khrihfabu
(Lyrics)
Key: G

[Verse 1]
Bawipa Pathian khua thinghlim cu
Nikhat hnu nikhat in a par vurh chin
A kut orhlei sunparnak le
A min lianngan thawnnak in a dirh mi
Vawlei khuapi dawh le lianngan
Ram tha ram nuam vialte hna hluantu
Lungpi cung i dirhmi khrihfabu
A mi thing hna lennak khuapi cu.

[Chorus]
A khrihfabu Pathian khuapi thiangah
kan thlarau ca hnangam daihnak a um
Lungpi Jesuh khrih thladem tangah
lamtlaunak le pialsual a kan vengtu
Thatlonak le sualnak vialte chung in
Kan lungthin le taksa kilvengtu
Lungpi cung i dirhmi khrihfabu.

[Verse 2]
Bawipa nih inn cu a sak lo cun
A satu riantuannak san a tlai lo
Bawipa nih khuapi a ven lo cun
A vengtu hngilh lo um san a tlai lo
A mit falai bang a ven i
Pathian sakmi inn khualipi cu
Lungpi cung i dirhmi khrihfabu
Nihin zumtu nang le kei kan si.

[Verse 3]
Hmunkhat lungkhat ruahnak hmunkhat
Khrih ah pumkhat kan si nak khrihfabu
Ka lu si mi Jesuh khrih ah
A lamkip in a thang dingmi kan si
khat le khat i huat le i ralnak
I doh i then i remlonak vialte
Dawtnak thatnak in tei usih
Kan tei lai cu van nun siseh.

[Verse 4]
Tuufa ceunak ram khuapi cu
Hi vawlei ah khrihfabu in a dirh
Miphun holh phun I thleidannak
A um ti lo Pathian pennak ahcun
Dawtnak par tlan in kan leng ee
Vanmi thiang lennak ram cu hluan in
Lungpi cung i dirhmi khrihfabu
Pathian inn le khua thing hlim ahcun.