Lunglawm In Bia Usih

Lunglawm In Bia Usih
(Lyrics)
Key: F

[Verse 1]
Judah ram Bethlehem khua
Nangmah cu a hme bikmi
Na si naisai lo zeicah tiah
Nangmah chungin mi khamhtu
Messiah cu a chuak lai
Amah cu daihnak Bawi ti a si lai.

[Chorus]
Lunglawm in thangthat usih
Lei le van remnak sertu
Bawi Emmanuel cu
Lawm cio usih
Kan laksawng sungbik putin
Cawkuang chung i an thlimmi
Khamhtu Jesuh Khrih cu bia hna usih.

[Verse 2]
Lei cung ah mirum le mi
Thiang bik na si lo zongah
Ngaihchia le lungkuai in
Um hrimhrim hlah
Chawva in cawk khawh lomi
Bethlehem cawkuang chung i
A chuakmi naute Jesuh Khrih kan ngei.

[Verse 3]
Lei cung ah mirum le mi
Thiang bik na si lo zongah
Lungdong le zaangawi in
Um hrimhrim hlah
Mi dingmi ca’h si loin
Misual mi hna tlanh awkah
Toidornak he vawlei ah a ra cang.

[Verse 4]
Christmas ni le caan sungah
Chungtling lo hram nan um maw
Ngaihchiat le lungkuai in
Um ti hlah uh
Kan mitthli hnawttu ding le
Zuunngaih tuarmi kan caah
Hnemtu naute Jesuh Khrih a chuak cang.