Kumthar Chungah

Kumthar Chungah
(Lyrics)
Key: F#

[Verse 1]
Ni le thla le kum le caan nih
Tleih khawh loin an liam lengmang
Thil sining vialte zong aithleng i
Kan ruahning le hmuh ning ai dang
Caan nih minung a kan hngak lo ca’h
Caan tha nan hmuh mi hman thiam zuam law
Kan ngaihchiatnak thil vialte cu
Kum hlun nih liampi hram hlah seh
Lunglawmhnak le thazaang thar he
Kumthar chungah lut kho dingin
Jesuh sawm usih.

[Chorus]
Kumthar chungah lungthin thar le
Ruahnak thar he lut hna usih
Kan mitthli tlaknak puan lukhuh cu
Bawi Jesuh nih a kan hungpiak cang
Lunglawmhnak he hmang ti hna usih law
Kan nun hlun hna kha kaltak in
Nunthar tuin nung hna usih
Bawipa pek mi kum le caan hi
Amah sunparnak ca’h hmang usih
Kumthar nih chuahpi mi thluachuahnak cu
Nan cungah um ko seh.

[Verse 2]
Kan nunnak ah thil phunkip tlung lai
Kan duh lomi zawtnak hna le
Vanchiatnak zong nih kan nun den lai
Vawlei nih chuahpi mi an si
Hmanhseh kan nun ah buai ding um lo
Bawipa nih a kan teipiak dih cang
Kan cung i tlung mi harnak cu
Lunglawmhnak ah a kan thlenpiak
Amah nih kan nunnak cu a kil vne caah
Tih ding um lo vantu Bawi he cun.

[Verse 3]
Kan hmaikaa ah kan hmuh khawh lomi
Ral phunkip zong um hna hmanhseh
Bawipa he cun tih dingmi um lo
Amah cu kan teinak a si
Tukforhnak phunkip kan ton ko lai
Teitu kan sinak langhter duh ca’h
Sualnak le palhnak vialte cu
Bawipa bia in kan tei hna lai
A dermi kan nun hlun kha nun thar tu chuakin
Kumthar chungah lut ti hna usih.