Khi Ni Ah

Khi Ni Ah
(Lyrics)
Key: G

[Verse 1]
Vawlei ah ka thaw a dih lai
Ni kong ka ruah ah
Bia tak chim ah cun tihnak in
Ka khah caan a tam
Sihmanhseh zumhnak mit in
Ka cuanh than si ah cun
Lei dai tang ka hngilh nakin
Van ah ka thawh a si.

[Chorus]
Khi ni ah dawtu vialte hna
Mithmai ah lawmhnak thlam lengin
Thangthat hla le thawngtha bia lawng
Thang seh ti ka duh
Hi lei ah ngaihchiatnak ni le caan sihmanhseh
Ka khualtlawnnak lei in ka tinhmi Vanram
Ka tlun ni a si.

[Verse 2]
Dawtmi hna he hi vawlei in
Tthen lai ruah ah
Sian a um lo thin lung a kuai aw
Khi ni phak lai
Sihmanhseh hi lei harsatnak
Vialte kal takin
Vanram ah kaa dinh lai caah
Hnangamnak ka ngei.

[Verse 3]
Ni khat cu dong lo
A ceu khua tha ka kal te lai
Khi hmun ah harnak le
Mitthil tlak um ti lai lo
Mi thiang mi hna he
Kan siangpahrang hmai ah dir in
Dong lo thangthat hla sak ding
Ka hngahhlang hringhran.