Kek Kuai Nun

Kekkuai Nun
(Lyrics)
Key: F

[Verse 1]
Bawi Jesuh cu Jericho khua a kal lio ah
Mitcaw Bartimaeus nih Bawi Jesuh cu a au
Bawipa mit khua hmu than ka duh tiah a hal
Na zumhnak nih an damter cang va kal a ti.

[Chorus]
Zumhnak thinlung takin Bawipa kan hal ahcun
Taksa thinlung thlarau zuatnak an damter lai
Naman thinghmui zawtnak damtertu Bawi a si
Kum hleihnih chung thi a chuakmi zong a damter.

[Verse 2]
Hezekiah cu a zawtnak ruangah lung a dong
Thinlung kekkuai in Bawipa sin thlaza a cam
Kum hleinga tiang na nung than lai tiah a ti
Hallelujah kekkuai nun cu damnak a si.

[Verse 3]
Minung ruahnak in cun a thu cang lai an ti
A thihnak cu nili asi cang Bawipa an ti
Bawi Jesuh nih Lazarus cu a thawhter than
Minung ruahnak lungdong hnu ah Bawipa ai phuang.

[Verse 4]
Damnak duh ah sibawi tha le sizung kan fuh
Siseh chikhat ca lawng damnak petu an si
Damnak tling tak pe khotu cu Jesuh a si
Zawtnak vialte a kutchung ah damnak a um.