Kawltung Leiah

Kawltung Leiah
(Lyrics)
Key: F

[Verse 1]
Aa thleng lengmang mi khua caan hna le
Kir than um ti loin a luangmi
Tiva bangin kan nunnak nih
Hnu kir than ti um loin
Zei kan ton lai ti zong hngal lomi
Mitcaw bangin nun karhlang mi ka nunnak hi
Na Thlarau Thianghlim in
Bawipa nang nih run ka hruai hram mu.

[Chorus]
Hnu lei thil philh in hmailei thil banh zuamin
Kawltung leiah laksawng hmuhawk ah kaa tli
Cucaah Bawipa na kut cak thawnnak in
Ka hruai law zaangder mi ka si caah
Nangmah ah cun teinak a um
Himnak le kan i dornak lungpi na si
Na kan kamh mi suiluchin dawh co ve dingin Bawipa
Nang nih thawnnak run ka pe hram law.

[Verse 2]
Tlik zuamnak chungah tel mi hna cu
Timh tuahnak fel tein an ngei tawn
Sihmanhsehlaw cu teinak cu
Uai kho mi lukhimh ca’h a si
Bawipa i tinhpiakmi laksawng cu
Zeitik hmanh ah uai kho ti lomi nunnak si caah
Jesuh Khrih zoh chih in
Kawltung lei ah tlimi ka si ee.

[Verse 3]
Sual muinak chungah lengmi ka si ca’h
Sualnak nih ka nunnak a uk i
Thil tha lo tuah in ka um tawn
Bawipa dawtnak hngalh loin
Hmanhseh tu ahcun ka nunnak nih
Bawipa tinhpiak mi laksawng co ve dingin
Ka pumsa kha hrem in
mah le mah uk hawh nun ka ngei cang.