Kan Ton Te Lai

Kan Ton Te lai
(Lyrics)

Key: Eb

[Verse 1]
Hi lei ram ah, khual tlawng mi kan si
Nuamh duh ah, leng mi kan si lo
Kan vailam cio put in
Sui khua dawh lei cuan in
Ruahchannak ngan he, Kal lio mi kan si;

Kan vailam tah, put cu har hmanhseh
Chim thiam lo, lawmhnak nun kan ngei
Kan ca’h a tho mi Jesuh Khrih
Zoh chih in, hmai kan kal..

[Chorus]
Nikhat khat ah, kan ton te lai
Thangṭhat zai hla kan sa lai
Hi lei zongah kan thangṭhat lai
Thangṭhat awktlak kan Pathian
Nun pek awktlak Bawi Jesuh
Ruahchannak ka ngei..

[Verse 2]
Van siangpahrang, dawtmi fa kan si
Khrih thisen in, cawkmi fa kan si
Ngeihchiatnak, sifahnak
Thihnak, harnak nih maw
Khrih dawtnak he cun, a kan then kho lo;

Sunparnak chung, kan luh hlan te ah
Khrih tuar innak kan ni hrom ve ee
Cu nun ning cu har hmanhseh
Bawipa sin kaa lawm ko..

[Verse 3]
A liam cia mi, kan dawtmi hna he
Zungzal Bawipa, kan thangṭhat te lai
Cu ni kan phak lai ni, Ka ngang hringhran mi ni
Oh thihnak khoi hen, na teinak a um;

Jesuh thawngin, teinak kan hmuh cang
Khrih vailam ah, khenh chih kan si cang
Hi lei nun hi har hmanhseh
Ruahchannak a zor lo..