Kan Pemh lo Ruangah

Kan Pemh lo Ruangah
(Lyrics)
Key: A

[Verse 1]
Kan caah zungzal na tha
That lo caan hrim a ngei lo
Kan pemh lo ruangah
Vuivai in kan um tawn
Ral tampi tei khawhnak ca’h
Ral ram ah a kan cawnpiak
A har ko zumtu nun hi;
Amah i ṭhawnnak hmangthiam dingin
Jacob bang Khelruh a kan phelh tawn
Isreal minthar, thluachuah
Kan co khawhnak hnga.

[Chorus]
Sibawi nganbik a si zia zong kha
Kan pemh i kan bochannak dingah
Zawtnak le fahnak zong a kan ton ter
Chikhat le caankhat cu, sisehlaw amah
Kut in a kan damter than.

[Verse 2]
Jehovah Jireh Pathian
A si zia langhter a duh
Cucaah Isak Moriah tlangah an hruai
Kan caah khuakhang tu Bawi
A um lo um ter khotu
A si zia langhter a duh;
Cucaah minung leiin sifah
Harsatnak Tlangpar a kan kaipi
Cu hmunah kan ca’h
Thluachuah kut a kan samhpiak.

[Verse 3]
A dawtmi a fale cu
A kan sik caan zong a um
Kan pemh lo ruangah
Vuivai in kan um tawn
Kan minchiat ding a duh lo
Kan thangchiat lai a siang lo
Cucaah a kan cawn piak;
A kan tuk nain a kan hnemh ṭhan
A kan sik nain a kan awih ṭhan
Cuca’h kan nun nih a sunparnak a langhter..

[Verse 4]
Lunglawmhnak kan hal caanah
Ngaihchiatnak tu a kan pek
Kan pemh lo ruangah
Vuivai in kan um tawn
Thluachuahnak kan hal nain
Sifahnak tu a kan pek
A har ee zumtu nun hi;
Kan Pathian thluachuah hi kan orh i
Kan hngalhnak lei in a rak si lo
Kan caah a timhmi cu a mah nih a hngalh.