Kan Herhmi Petu Jesuh
Kan Herhmi Petu Jesuh
(Lyrics)
Key: Db
[Verse 1]
Hringnun lam retheih kan zulh lio ah hin
Vawlei khuasaknak le lungrawhnak nih
Nitin an kan buaiter tawn
Lei thluachuahnak zong Jesuh te lo cun
Lungretheihnak petu men an rak si
Zum in a sin ah thlacamtu nun cu
Lawmh hnamngamnak an co tawn.
[Chorus]
Tihal mi vialte ca’h tihal riamnak
Tiva nung Jesuh Khrih cu a si
Rethei mi vialte ca’h lawmhnak Jesuh
Mider mi caah thawnnak a si
Kan herhmi petu Jesuh a si
Damnak tling cu a si
Lawmhnak tling Bawi Jesuh cu
A zungzal in a hmun.
[Vers e2]
Misual mi Pathian sin kir pitu dingin
A sunparnak kal takin misual sin ah
Harnak vialte tuar dingin
A thisen sungbik kan ca’h a thetmi cu
Sual ruangah hliamtuartu ca’h damnak tling
Gilead thing hna hau lo damnak a kan pek
Kan herhmi petu cu a si.
[Verse 3]
Na nun ah harsatnak rak phan tawn hmanhseh
Hnabeu donghnak in zamtak hin hlah law
Na harsatnak he a sin ra
Nan nih rethei thilrit phortu vialte
Ka sinah ra uh lungdaihnak nan hmuh lai
Tiin Jesuh nih nang le kei a kan sawm
Kan herhmi petu cu a si.