Kan Dawt Chin

Kan Dawt Chin
(Lyrics)
Key: D

[Verse 1]
Kei nih thinlung pakhat te ka ngei
Cucu Nazareth Jesuh kan pek
Hi vawlei ca’h pek ding ka ngei lo
A taa ka si i ka taa a si.

[Chorus]
Maw Nazareth Jesuh kan dawtbik
Nanghlei in dawtmi dang ka ngei lo.. Ho..
Ka thih hlantiang kan ṭhen ti lai lo
Lungdang ka ngeitak hrimhrim lo lai
Na ka dawt hmasa ca’h kan dawt chin
Na ka dawt hmasa ca’h kan dawt chin.

[Verse 2]
Na thluachuah duh ruangah si loin
Thutdenh le rengsang duh ruang si lo
Sunpar le cawisan duh ruang si lo
Na ka dawt hmasa ca’h kan dawt chin.

[Verse 3]
Sunpar le lianngan duh ah si lo
Thangṭhat le conglawmh duh ah si lo
Minthannak duh ruangah a si lo
Na ka dawt hmasa ca’h kan dawt chin.

[Verse 4]
Na ka pekmi thil ah si loin
Petu Bawi nangmah tu kanduh deuh
Zei thil le zeizong vialte nakin
Ka Bawipa Jesuh nang kan duh bik.