Ka Pa Upatnak Kan Lo Pek

Ka Pa Upatnak Kan Lo Pek
(Lyrics)
Key: B

[Verse 1]
A sunglawi bik ka pa na duhdawtnak hi
Na fa le hrangah a thlum hlei ce ee
Leitlun kaa ih simthiam rual lo
Sui le ngun ih leitheih mi si lo
Samtheih lai ni a um lo ding.

[Chorus]
Fa le hrang ziangkim tuarhuamtu hringtu ka pa
Pathian in nunkhua saunak thlawsuah lo pe seh
Tarkun tiangin in dampi law thlaza kan lo camsak
Hringtu ka pa upatnak kan lo pe.

[Verse 2]
Hmuhsuam nautatnak phunkim tuarin
Fimthiamnak kan ngah theinak dingin
Ziang nei lo te sihmanh ning
Uimi zianghman na nei lo
Na duhdawtnak par bang kan tlan.

[Verse 3]
Na fa le innsungsang hrangah maw
A sur a sa le thilsia tilet tho hmanhah
Hriall loin thlanhriput in
Zonzai rethei in hna na tuan
Ka pa kan hrang na sung hlei ee.