Ka Nunnak Bawipa Thangthat
Ka Nunnak Bawipa Thangthat
(Lyrics)
Key: E
[Intro]
Hallelujah.. Hallelujah.
[Verse 1]
Maw ka nunnak Bawipa cu thangthat tuah
Ka sining ka zeizong te dihlak in
Thihnak thlan khur chungin
Chuahtu le chanhtu na si caah;
A fekmi dawtnak in a ka zoh i
A zaangfahnak le a thawngmi kutcak in
Dinh hmun tipawng ah a ka hruai i
Ramhring lakah khan a ka bawmhter.
[Chorus]
Kan thangthatnak nih hin na sin phan seh
Sunparnak vialte zong na ta siseh
Nawlngeihnak le upatnak vialte zong hi nangta siseh
Conglawmhnak le sunlawihnak vialte
Zong hi nangmah kan in pek
Na sin i kan raithawinak hna hi
Bawipa kan cohlan piak ko mu.
[Verse 2]
Sual man ruangah thi dingmi ka nunnak
Hnakkar ah na tenh i zawn na kan ruah
Sual man thihnak thawng chungin
Luatnak petu Bawi na si caah;
Na duh bangin ka nun hi hmang cang law
Na sunparnak langhtertu si ka duh ee
Keimah duh bangin hmang ti loin
Nangmah thangthatnak ca ka hman lai.
[Verse 3]
Van le vawlei ah nang bantuk um lo
Sunparnak in khatmi Bawipa na si ca’h
Zeizong vialte chungah um mi
Le riantuantu na si caah;
Kan thangthatnak nih vawlei cul dih seh
Lei le van hram deng tiangin ummi hna nih
Sertu Pathian cu thangthat hna seh
Lunglawm lam buin thangthat hna seh.
[Verse 4]
Pathian nih minung a kan ser chan cu
A nawl zulh le amah thangthat ding caah
Sermi kan si ca sertu duhning in
Nung ding kan si ee;
Kan nunchan cu amah caah siseh
Kan aw ngeihmi dihlak chuah hna usih law
Thangthatnak in zaihla vorh usih
Sertu kan Pathian Bawi Jesuh cu.
[Outro]
Hallelujah.. Halleujah..